ក្រុមរបស់យើងនឹងទទួលក្រុមភ្ញៀវបឹងកេត មកកាន់កីឡដ្ឋានស្វាយរៀង នៅថ្ងៃសៅរ៍នេះ។ ពួកគេគឺជាក្រុមដែលកំពុងឡើងជើងពេលនេះ។ ពួកយើងបាន សម្ភាសន៍ Pep ពីការរៀបចំក្រុមសម្រាប់ការប្រកួតធំសប្តាហ៍នេះ។

តើលោកមានការរៀបចំក្រុមយ៉ាងដូចម្តេច សម្រាប់ជំនួបជាមួយបឹងកេត ដែលជាក្រុមកំពុងឡើងជើង ហើយក៏ជាជំនួបបិទជុំទី២ផងដែរ?

ពួកគេបានរកឃើញទម្រង់លេងមួយជាក់លាក់សម្រាប់ពួកគេកាលពីប្រកួតមុន។ ពួកគេ គឺជាក្រុមដែលមានកីឡាករប្រកបដោយគុណភាពក្នុងការប្រកួតប្រជែងលីគ។

ពួកគេបានផ្លាស់ប្តូរគ្រូបង្វឹក ហើយទម្រង់លេងរបស់គេក៏ផ្លាស់ប្តូរដូចគ្នា។ យើងបានសិក្សាពីពួកគេបានល្អ ហើយកីឡាកររបស់យើងក៏រួចរាល់សម្រាប់ការប្រកួតដែរ។

យើងត្រូវតែ លេងការប្រកួតអោយបានល្អ លេងជាមួយទម្រង់លេងរបស់យើង និងបង្ហាញពីបុគ្គលិកលក្ខណៈរបស់យើង។

ខ្ញុំគិតថាវានឹងក្លាយជាការប្រកួតដ៏ល្អមួយ សម្រាប់អ្នកគាំទ្រ ព្រោះក្រុមទាំងពីរចង់មានបាល់លេង ហើយលេងការប្រកួតមួយដ៏ជក់ចិត្តផងដែរ។

ពួកយើងត្រូវការការគាំទ្រ ពីអ្នកគាំទ្ររបស់យើង ហើយខ្ញុំសង្ឃឹមថាអ្នកអាចមកកីឡដ្ឋាន និងជួយពួកយើងដើម្បីឈ្នះការប្រកួតមួយទៀត។