ជ័យជម្នះដ៏ធំនៅកីឡដ្ឋានស្តាតចាស់
គ្រាប់បាល់ពីរគ្រាប់គឺគ្រប់គ្រាន់ដើម្បីទទួលបាន ៣ ពិន្ទុនៅកីឡដ្ឋានស្តាតចាស់ក្នុងការប្រកួតដ៏ស្វិតស្វាញជាមួយក្រុមណាហ្គាវើលដ៍នៅសប្តាហ៍នេះ!
គ្មានគ្រាប់បាល់ទេក្នងតង់ទី១ ដែលវាធ្វើអោយក្រុមនីមួយកាន់តែស្វិតស្វាញ។ ទីបំផុតគឺយើងជាអ្នករកគ្រាប់បាល់បានមុនគូរប្រកួត គ្រាប់បាល់ទី១ចាប់ផ្ដើមពីPrivat បានលោតតែតផុតអស់ខ្សែរកាពារចំក្បាលយ៉ាងល្អផុតដៃអ្នកចាំទីណាហ្គាហើយចូលក្នុងសំណាញ់ទី!
មិនយូរប៉ុន្មានណាហ្គាវើលដ៍បានរកបានមួយគ្រាប់វិញពីការទាត់បាល់ហ្វ្រីឃីកពីខាងក្រៅតំបន់គ្រោះថ្នាក់ដែលនាំអោយណាហ្គាតាមស្មើបាន។
បន្ទាប់មកការបណ្តើរបាល់ពី Emmanuel តាមរយៈចន្លោះរបស់ខ្សែរការពារគាត់បញ្ជូនបាល់ឆ្ពោះទៅរកតំបន់គ្រោះថ្នាក់ដែលមានកីឡាករខ្សែប្រយុទ្ធ Mendy របស់យើងកំពុងរង់ចាំទទួលរួចស៊ុតជើងស្តាំកាត់ផុតអ្នកចាំទី។ លទ្ធផលចុងក្រោយ ណាហ្គាវើលដ៍១-២ ព្រះខ័នរាជស្វាយរៀង!
